GALICIA · ARQUEOLOXÍA
Neste xacemento arqueolóxico pode visitarse unha “Vila a Mare” romana de tipoloxía atlántica, que serviu de residencia para unha familia galaico-romana de elevado status entre fins…
ARQUEOLOXÍA · HISTORIA
A través do Centro de Interpretación do Mundo Romano de Vigo (en adiante, CIMR), o Concello pretende achegar á cidadanía, propia e foránea, a historia de Vigo, utilizando recursos moi variados en forma de reconstrucións, maquetas, debuxos, dioramas.... Percorrendo estes espazos, o visitante achegarase ao mundo romano e á súa influencia na nosa cidade e, concretamente, nunha economía sustentada na pesca e actividades relacionadas con ela, onde Vigo foi un área moi salientable no noroeste peninsular. Ao mesmo tempo, o CIMR constitúese como o primeiro paso e o marco xeral que permitirá a interpretación do xacemento arqueolóxico situado ao seu carón, a Villa Romana de Toralla, preparando ao visitante para a mellor comprensión dos restos atopados (a propia villa e a salina) vinculados ás actividades da pesca e salgadura
Neste xacemento arqueolóxico pode visitarse unha “Vila a Mare” romana de tipoloxía atlántica, que serviu de residencia para unha familia galaico-romana de elevado status entre fins do Século III e inicios o Século V d.n.e. Trátase dunha residencia unifamiliar dotada, na súa Pars Urbana ou doméstica, de elementos de luxo e prestixio que nos permiten facernos unha idea clara sobre o elevado status socioeconómico do que gozaban os seus propietarios.
Pero estas Villae non só eran grandes e luxosas residencias da elite Galaico-romana do momento, senón que xogan un papel capital na explotación dos recursos económicos do territorio. Así, na súa Pars Rústica ou frumentaria, estas familias ocupábanse da xestión do negocio que lles permitía manter o control sobre os medios de produción.
Galería
Visita
Horarios
Mér. e Xov 11 - 13 h Domingo 11:30 - 13:30 h. VERAN xoves e venres de 17 a 19, con visita ás 17 e ás 18h Sábados e domingos de 11:30 a 13:30 con visita ás 11:30 e ás 12:30h
Enderezo
Playa de O Vao, 36341 Vigo
Mapa interactivo mostrando a ubicación de Villa Romana de Toralla e Centro de Interpretación Mundo Romano. Usa as teclas de frecha para desprazar o mapa.
Experiencias relacionadas
Vigo conserva numerosos restos arqueolóxicos que nos permiten coñecer como era a vida na cidade hai máis de dous mil anos. Nesta actividade, o alumnado descubrirá como conviviron as comunidades castrexas cos novos habitantes chegados co Imperio Romano e como se produciu o proceso de paulatina romanización. A través das pegadas que se conservan, coñeceremos a importancia da ría de Vigo como fonte de recursos. Os peixes e a produción de sal e as actividades relacionadas coa salgadura, favoreceron o comercio e o desenvolvemento económico do Vigo Galaico- Romano. A súa localización, ademais, convertía Vigo nun lugar estratéxico nas rutas comerciais que conectaban o Atlántico co Mediterráneo. Ao longo da visita descubriremos tamén como eran as vilas romanas situadas arredor da ría e que actividades se desenvolvían nelas: desde a extracción de sal e a elaboración de salgaduras ata a gandaría e outras actividades produtivas. No propio xacemento, a vila romana de Toralla achegarémonos á vida cotiá das persoas que habitaron este lugar, como era a casa, a que se dedicaban, que comían, como se relacionaban coa contorna e que importancia tiña o mar para eles. Horario da actividade: de mércores a venres de 10:00 a 12:00 horas. Duración: 2 horas. Grupos de ata 50 alumnas/os. Inclúe parada para a merenda. O centro de interpretación é un edificio pechado, polo que as visitas poden realizarse igualmente en caso de mal tempo.
Reservar visita
Durante unha celebración na Villae romana de Toralla, unha valiosa peza cerámica desaparece misteriosamente. As familias participantes serán os investigadores que deberán descubrir a verdade. A través de pistas, testemuños e interrogatorios, teñen que analizar os motivos e as coartadas dos diferentes sospeitosos ata dar coa persoa culpable. Unha actividade familiar na que a observación, a dedución e o traballo en equipo serán fundamentais para resolver o misterio, mentres descubrimos como era a vida cotiá nunha vila romana.
Reservar visita
Os obradoiros de cultura galaico-romana ofrecen aos nenos e nenas de 7 a 12 anos unha oportunidade para descubrir o noso pasado dun xeito divertido e participativo. A través de actividades prácticas e creativas, achegaranse á vida cotiá, aos costumes e ás tradicións desta época. Unha experiencia para aprender, experimentar e descubrir a historia no Centro de Interpretación do Mundo Romano de Vigo.
Reservar visita
Mantente informado
Este sitio web utiliza cookies
Utilizamos cookies propias e de terceiros para mellorar a túa experiencia de navegación, analizar o tráfico do sitio e personalizar o contido. Podes aceptar todas as cookies, rexeitalas ou configurar as túas preferencias. Máis información
