Xacemento arqueolóxico de O CastroXacemento arqueolóxico de O Castro

Visita ao Xacemento arqueolóxico de O Castro

Visita ao Xacemento Arqueolóxico e Fortaleza de O Castro

Visita conxunta aos dous equipamentos: A historia de Vigo está fondamente ligada ao monte do Castro, onde se poden ler as diferentes capas da Historia. Nesta actividade, o alumnado realizará unha inmersión na historia deste lugar, un espazo estratéxico desde hai máis de dous mil anos. A través de visitas e propostas adaptadas a cada idade, descubriremos como vivían a civilización castrexa e como se adaptaron á chegada dos romanos, e achegarémonos á importancia de Vigo e da súa contorna como espazo de intercambio e comercio internacional nese momento. Tamén descubriremos o seu sistema defensivo do século XVII, como se reflectiron neste lugar os conflitos e guerras entre potencias europeas e como, ao longo dos séculos, se foi transformando ata converterse nun dos grandes espazos verdes e históricos da cidade. Horario da actividade en periodo lectivo: de martes a venres de 10:00 a 13:00 horas. Duración da actividade 3 horas. Grupos de ata 50 alumnas/os. 25 por monitor, hai 2 monitores. Inclúe parada para a merenda. A actividade suspenderase en caso de alerta meteorolóxica.

Visita á Fortaleza e ao xacemento arqueolóxico de O Castro

Visita conxunta aos dous equipamentos: A historia de Vigo está fondamente ligada ao monte do Castro, onde se poden ler as diferentes capas da Historia. Nesta actividade, o público realizará unha inmersión na historia deste lugar, un espazo estratéxico desde hai máis de dous mil anos.